موااااااااااقف محرجة

على الخط السريع

ودي ارسم الابتسامة على محياكم ...

يقولك كان فيه ثلاثة من الشباب مسافرين على احد الخطوط وكان
الخط زحمة بشكل غير طبيعي واغلبه من الشاحنات... المهم الشباب
وقفوا يصلون وخلوا واحد منهم يصير امام ولما انتهت الصلاة الامام
شاف الارض حلوة وكلها رملة وبعد ماسلم تشقلب على قدام على
شان يشوف اخوياه وكانت المفاجئة إن وراه صفين من المصلين
ماسمعهم لما وقفوا وراه من ازعاج الشاحنات ... طبعا اخوياه
تبطحوا من الضحك وبعض المصلين اعاد صلاته لانه شك بعقله
وهو طبعا طااااااح وجهه ...


************************************

باستيديو التصوير
السالفة ومافيها انه كان مطلوب علينا على ايام التسجيل في الجامعة صورة شخصية اربعة في ستة عشان يجمدونها بملفي الاكاديمي .... المهم رحت ابي اتصور بالاستديو.. الصور اللي يبونها ولما وصلت الاستديو.....؟
طبعا هذا الموقف يتزامن مع السماح للسيارات السعودية الخصوصية بالتظليل الكامل يعني ( مغيمة )....اااسود
المهم مااطول عليكم جيت لستيديو التصوير وحصلته زحمة ... اقصد زحمة بالمراية اللي يشخصوون عليها الناس.... كل واحد يشخص بالشماغ زين... عشان يتصور ولكن الاستديو كان زحمة
المهمممم....... طلعت ووقفت على الباب حق الاستيديوعشان تخف الزحمة وادخل اتصور... واناظر ... الا وذاك السيارة النظيفة وقزازها يلق ويلمع من النظافه وكانت مضللة بالكامل وقلت خل اشخص وااضبط شخصيتي على قزاز هالسيارة ....عشان اذا جاء دوري اتصور واطلع على طوول ولا اتاخر
المهم
وانزل الين وصلت السيارة وقمت اشخص وتميلح قدام..... القزاز... واقدم وجهي جنب القزاز وارجع ثم اقدم وابتسم بسوي شخصية ..... المهم مرت دقيقتين وانا قاعد اتميلح قدام القزاز
وشوي الا وقزاز السيارة قام ينزل شوي شوي ...؟؟؟
واطالع.. واناظر.. اكذب... اصدق... الا والله ذاك الرجال واهله معه كمان .... وخدامتهم راكبة ورا ..... انا ماغاثني وقاهرني الا هالخدامة اللي بغت تشقق من الظحك اه يالقهر ..... وكان الرجال كبير في سنه شوي
ثم قال تصدق انك شخصية
*************

طبعا انا مااقدر اوصف ردة فعلي لاني مدري وش سويت اصلا كل اللي اذكره اني تلطمت بالشماغ وعلى سيارتي طبعا الاستديو هذا ماتصورت فيه ولا راح اتصور فيه... ورحت ادور استيدو غير

**********************************

الكرسي المشؤوم

كانت في الصف الرابع الابتدائي، عندما قامت مدرستها برحلة إلى مدرسة أخرى لإقامة معرض رسم، فرحت بهذه الرحلة فقد كانت تحب الرسم ومتفوقة به؛ وحين وصلت الطالبات إلى المدرسة استقبلتهن المسئولة عن المعرض وأدخلتهن قاعة المعرض، وكل واحدة منهن وضعت أغراضها على الطاولة وجلست على الكرسي إلا هي لم يكن لديها كرسي مما جعلها تبحث عن كرسي تجلس عليه وعندما وجدته قامت بسحبه؛ و في طريقها به رأت المشرفة تركض باتجاهها وتقول: يا غبية ماذا فعلت ثم أكملت مسارها، استدارت لتعرف ما القصة وإذا بالمسؤولة قد وقعت على الأرض.

حدث ذلك عندما سحبت الطالبة المذكورة الكرسي في الوقت الذي كانت المسؤولة تهم بالجلوس عليه.

احمر وجهها خجلاً فتركت المكان ووقفت بعيداً بينما اجتمعت المدرسات لمساعدة المسؤولة على القيام من الأرض.

************************************

لا قيني ولا تعشيني
(جتني وحده من صديقاتي وكانت ملامحها تشبه دول شرق اسيا
فجلست بنتي تطالعها بقوه لما قلت لها عيب ردت وقالت(شكلها
شغاله ) )

***********************************

سوق الخضار
طلعت لم سوق الخضار وطلع اخوي التوام خالد رايح هناك وانا ما ادري المهم وانا اتجول في السوق طلعلي واحد وقالي يا شيخ نسيت باقي الفلوس وانا ما ادري وش السالفه المهم قلتله انا مسامحك ما ابي الفلوس ولكنه اصر وبعد شوي بدت المشكاه بيني وبينه وبغينا نتضارب بس الله ستر جاء أخوي خالد وشافه البايع بغا يطيح من الخوف

************************************



هافات
هذا الموقف صارلي لما كنا مسافرين مع العائلة الكريمة ... وكانوا مسافرين
معنا خوالي وعوائلهم ... المهم بالموضوع أنه كان وقت النوم وكنت أنا وعيال خالي بننام بالصالة ... فرحت أنا أغير ملابسي وبصراحة تفاجئت ... لقيت الشنطة مابقى فيها إلا إثنين من هافات السنة ... فجلست أدور عليها ومالقيتها إلا بعد ماقالت لي الوالده إن الوالد الله يحفظه ماخذ واحد منهم ... فغيرت ملابسي ورجعت ... ودخلت على عيال خالي أقولهم أبوي الله يهديه سوالي أزمة قبل شوي ... ـقالوا سلامات ... قلت : جالس يلبس هافات السنة حقتي على أساس أنها سراويل طوال .. وأفقع ياضحك ههههههههههه ... إلا عيال خالي سكتوا فجأة وأنا أستمريت بالضحك ... وش اللي حاصل !! مدري ... كانوا يشاورولي .. أسكت .. طالع وراك ... بس مافي فايده .. أنا ما انتبهت .. المهم .. حسيت بحركة وراي والتفت ... إلا أبوي ميت من الضحك وعيونه تدمع من كثر الضحك ... قالي الله يهديك رح نام

*************************************


** ردودكم محل اهتمامنا فلاتبخلو علينا بها **

ههههههههههههه
شكلها شغاله
ما فهمت ايش هافات السنه
؟؟؟؟؟
على العموم مشكور اخوي